Home › Colleges & Schools▻Acadamh▻Cúrsaí▻Cúrsaí Iarchéime▻MA (Cleachtas Gairmiúil sna Meáin)

MA (Cleachtas Gairmiúil sna Meáin)

Expand all

 

Forléargas ar an gCúrsa

Páirtnéireacht eisceachtúil idir Ollscoil na Gaillimhe agus Raidió Teilifís Éireann is ea an MA (Cleachtas Gairmiúil sna Meáin) atá á chur ar fáil trí mheán na Gaeilge ag Acadamh na hOllscolaíochta Gaeilge san Ollscoil. Faoin bpáirtnéireacht seo, déanfaidh an scoláire staidéar agus anailís chriticiúil ar na meáin agus ar chruinnscríobh na Gaeilge san Ollscoil agus ar líne chomh maith le staidéar ar chleachtais ghairmiúla chomhaimseartha sna meáin in aonaid Ghaeilge éagsúla de chuid RTÉ i gConamara (nó Dún na nGall) agus i mBaile Átha Cliath. Cur chuige nuálach agus tarraingteach é seo: bíonn deis ag na scoláirí tréimhsí suntasacha a chaitheamh ar láithreacha oibre RTÉ le linn an chláir agus faigheann siad taithí luachmhar san iriseoireacht, sa chraoltóireacht, agus i gcruthú ábhair d'ardáin ilmheán, agus iad ag feidhmiú mar 'chleachtóirí machnamhacha' sa mhórchraoltóir náisiúnta.

Tá an clár 90 ECTS seo ar fáil in imeacht aon bhliain amháin (lánaimseartha) nó go páirtaimseartha in imeacht dhá bhliain. Is féidir tabhairt faoin gclár ar bhonn modúil. Beidh mic léinn i dteideal na cáilíochta Dioplóma Iarchéime ach 60 ECTS a bhaint amach sa chlár múinte, nó dul ar aghaidh agus an cháilíocht Máistir i gCleachtas Gairmiúil sna Meáin a bhaint trí thionscadal taighde féinstiúrtha a chur i gcrích go sásúil agus na creidiúintí 90 ECTS a bhaint.

Aidhm an chláir
Cumasc tomhaiste den staidéar acadúil agus den fhoghlaim phraiticbhunaithe a chur ar fáil sna meáin agus i gcrúthu ábhair a chuirfidh ar chumas céimithe an chláir feidhmiú mar 'chleachtóirí machnamhacha' sna meáin chumarsáide chomhaimseartha agus cur lena gcumas i gcumarsáid na Gaeilge.

Cuspóirí an chláir

  • Staidéar a dhéanamh ar na comhthéacsanna agus ar na suíomhanna éagsúla ina bhfeidhmíonn na meáin chomhaimseartha d'fhonn anailís chriticiúil a dhéanamh ar a ról i múnlú na n-acmhainní siombalacha trína dtagann daoine ar thuiscintí faoin tsochaí mórthimpeall orthu.
  • Foghlaim ó thaithí a chur ar fáil do mhic léinn maidir le cleachtais ghairmiúil oibreoirí na meán agus cruthaitheoirí ábhar ilmheán, d’fhonn tuiscint ghrinn agus taithí a thabhairt dóibh ar chleachtais ghairmiúil sna meáin chomhaimseartha.
  • Sintéis éifeachtach idir an teoiric agus an phraitic a aimsiú d'fhonn forbairt intleachtúil, acadúil agus ghairmiúil na scoláirí mar ‘chleachtóirí machnamhacha’ a chur chun cinn.
  • Cur le cumas an mhic léinn é/í féin a chur in iúl agus i láthair go héifeachtach agus go húdarásach trí mheán na Gaeilge ag imeachtaí poiblí agus os comhair ceamara nó micreafóin.

Torthaí foghlama an chláir

Ar chríoch an chláir beidh an scoláire in ann:

  • Iniúchadh a dhéanamh ar an saol cumarsáide comhaimseartha in Éirinn agus go hidirnáisiúnta.
  • Léargas criticiúil a thabhairt ar ról agus ar thábhacht na meán cumarsáide i bpobail mhionlaigh i ré an mhórchultúir idirnáisiúnta.
  • Anailís a dhéanamh ar na himpleachtaí don tsochaí a bhaineann leis na hathruithe atá ag titim amach san iriseoireacht, i saol na craoltóireachta, na scannánaíochta agus sna hilmheáin.
  • Feidhmiú go gairmiúil trí Ghaeilge.

Modh staidéir agus seachadadh an chláir

Reáchtálfar an clár léinn ar bhonn lánaimseartha in imeacht aon bhliain amháin agus ar bhonn páirtaimseartha in imeacht dhá bhliain. Reáchtálfar an clár múinte (Seimeastar 1 & 2) ar phríomhchampas Ollscoil na Gaillimhe, Gaillimh agus beidh tréimhsí foghlama ar an láthair oibre ag deireadh seimeastar 1 agus 2 leis an gcraoltóir náisiúnta poiblí RTÉ. Cuirfear an chéad tréimhse i gcrích i Mí na Nollag i stiúideonna RTÉ Raidió na Gaeltachta, Casla, Co. na Gaillimhe, i stiúideonna nuachta TG4 i mBaile na hAbhainn, Co na Gaillimhe nó i stiúideonna RTÉ Raidió na Gaeltachta sna Doirí Beaga, Co Dhún na nGall. Cuirfear an dara tréimhse i gcrích i Mí Bealtaine in aonaid Ghaeilge éagsúla de chuid RTÉ i nDomhnach Broc, Baile Átha Cliath 4.

 

Iarratais agus roghnúchán

Déan iarratas ag www.universityofgalway.ie/postgraduateapplications.

Féadfar agallamh a shocrú le hiarrthóirí d’fhonn a gcumas sa Ghaeilge a mheas, agus, de réir mar a fheileann, féadfar samplaí den obair ábhartha atá déanta ag iarrthóirí sna meáin nó i réimsí gaolmhara roimhe seo a iarradh. 

Eolas faoi na teagascóirí

Seán Breathnach, BA, MA, A.Diop. i gCumarsáid Fheidhmeach - Léachtóir in Aonad Léann na Cumarsáide
An Dr Dan Dwyer, BA, MA, PhD - Léachtóir in Aonad Léann na Cumarsáide
Carmel Ní Bhriain, BA, MA, Diop. sa Ghaeilge - Léachtóir in Aonad Léann na Cumarsáide
Norita Ní Chartúir, BA, A.D.O - Léachtóir in Aonad Léann na Cumarsáide
An Dr Rose Ní Dhubhda, PhD - Léachtóir san Aonad Aistriúcháin & Ateangaireachta
Gearóid Ó Cadhain, BSc, MSc - Léachtóir in Aonad Theicneolaíocht na Faisnéise
Aodh Ó Coileáin, BA, LLB, LLM - Léachtóir sna Meáin
Fionn Ó Sealbhaigh, BA, MA - Léachtóir in Aonad Léann na Cumarsáide

Riachtanais agus measúnú

Déanfar measúnóireacht ar an gclár múinte go príomha tríd an measúnóireacht leanúnach.
Déanfar measúnóireacht ar an Tionscadal Taighde Féinstiúrtha ag deireadh an chláir.

Sonraí an chúrsa

Riachtanais iontrála

Bunchéim Dara hOnóracha, Grád 2 ag leibhéal 8, nó Dara hOnóracha, Grád 2 i gclár iarchéime. Is féidir le hiarrthóirí nach bhfuil na cáilíochtaí acadúla cuí acu, ach a bhfuil ar a laghad cúig bliana de thaithí ghairmiúil acu i réimse na meán nó i réimse gaolmhar, iarratas a dhéanamh faoi chóras na hOllscoile d’Aitheantas don Réamhfhoghlaim (RPL). Éilítear caighdeán Gaeilge ag leibhéal C1 den Chomhchreat Tagartha na hEorpa um Theangacha mar bhunriachtanas iontrála. Is gá d’iarrthóirí Stiúrthóir Acadúil an chláir a shásamh go bhfuil an caighdeán seo acu sa Ghaeilge.




Riachtanais bhreise

Fad an chúrsa

Lánaimseartha: Bliain amháin.
Páirtaimseartha: Dhá bhliain.

Dáta tosaithe

Meán Fómhair 2025

Gráid A-leibhéil ()

Líon na mac léinn

15

Spriocdháta

Leibhéal NFQ

Modh staidéir

Meáchan ECTS

Dámhachtain

Cód CAO

Cód

MA–MEAL-CGM
Dioplóma Iarchéime–DIAR-CGM

Imlíne an chúrsa

Tugann croímhodúil an chúrsa forléargas do na scoláirí ar na príomhréimsí acadúla agus scile a bhaineann le hearnáil na Cumarsáide chomh maith le dhá thréimhse foghlama in RTÉ. Clúdaítear na croímhodúil seo i seimeastar 1 (30 ECTS) agus 2 (30 ECTS). Sa leagan páirt-aimseartha clúdaítear 15 ECTS in aghaidh an tseimeastair thar dhá bhliain. 

Cód

Modúl MA

Seimeastar

ECTS

CU6104

Na Meáin agus a Luchtanna Féachana

 

1

5

CU107

Scriptscríbhneoireacht don Scáileán

 

1

5

CU113

Eiticí agus Litearthacht na Meán

 

1

5

LT101

Cruinnscríobh na Gaeilge 1

 

1

10

CU6107

Foghlaim ar an Láthair 1

(Conamara, Dún na nGall nó Ciarraí)

 

1

(5)

CU6105

Cruthú Ábhair

 

2

5

CU6106

Nuálaíocht, Geilleagar agus Rialú na Meán.

 

2

5

CU6108

Modheolaíochtaí Taighde Comhaimseartha

 

2

5

LT102

 

Cruinnscríobh na Gaeilge 2

 

 

2

10

CU6107

Foghlaim ar an Láthair 2

(Baile Átha Cliath)

 

2

(5)

 

An tionscadal taighde féinstiúrtha (30 ECTS):

Ar chríochnú an chláir mhúinte (60 ECTS) go sásúil dóibh, is féidir le scoláirí Dioplóma Iarchéime i gCleachtas Gairmiúil sna Meáin a bhaint amach, nó is féidir leo dul ar aghaidh agus MA (Cleachtas Gairmiúil sna Meáin) a bhaint amach trí Thionscadal Taighde Féinstiúrtha (30 ECTS) a chur i gcrích le linn an tSamhraidh.Aontófar téama an tionscadail le foireann teagaisc an chláir le linn sheimeastar 2 agus ceapfar comhairleoir tionscadail a thabharfaidh aiseolas rialta ar obair an scoláire. 



Cén fáth a roghnófá an cúrsa seo?

Deiseanna fostaíochta

Beidh deiseanna fostaíochta ar fáil do chéimithe an chláir i dtionscal na meán, i ngairmeacha gaolmhara, agus i réimse gairmeacha eile ina mbíonn sártuiscint agus taithí ar na meáin ina mbuntáistí sonracha. Ar na fostóirí sin tá RTÉ, TG4, BBC, stáisiúin raidió agus teilifíse áitiúla, comhlachtaí léiriúcháin teilifíse agus raidió, ardáin ilmheán, comhlachtaí caidrimh phoiblí, comhlachtaí stáit agus leathstáit, agus réimse leathan cuideachtaí agus gnólachtaí san earnáil phríobháideach. Beidh buntáiste ar leith ag céimithe an chláir, agus taithí agus tuiscint faighte acu ar ghnéithe nuálacha na meán comhaimseartha i saol na linne seo, mar shampla, trí ábhar éagsúil físe, fuaime agus scríofa a chruthú agus a fhoilsiú ar ardáin ilmheán éagsúla, agus trí iniúchadh acadúil a dhéanamh ar na próisis éagsúla a bhíonn i gceist le hionramháil na meán sa lá atá inniu ann. 

  • Taithí oibre an-suntasach le RTÉ le linn an chláir.
  • Staidéar agus taithí ar an iriseoireacht, ar an gcraoltóireacht agus ar an gcruthú ábhair d’ardáin ilmheán.
  • Iniúchadh ar na meáin sa saol comhaimseartha.

Cé dó a fheileann an cúrsa seo?

Torthaí foghlama

Socrúchán oibre

Staidéar thar lear

Eagraíochtaí gaolmhara mac léinn

Táillí an chúrsa

Táillí: AE

€Eolas anseo: www.universityofgalway.ie/student-fees/how-much/postgraduate-fees/

Táillí: Teagasc

€

Táillí: Tobhach na mac léinn

€

Táillí: Neamh AE

€Eolas anseo: www.universityofgalway.ie/student-fees/how-much/postgraduate-fees/

Tuilleadh eolais

An Dr. Dan Dwyer, (Stiúrthóir an Chúrsa) 
Acadamh na hOllscolaíochta Gaeilge,
Áras na Gaeilge,
Ollscoil na Gaillimhe


dan.dwyer@ollscoilnagaillimhe.ie

 

Íoslódálacha