Tá roghnú cúrsa léinn ar cheann de na cinntí is tábhachtaí dá ndéanfaidh tú choíche! Féach na cúrsaí atá againn anseo agus an méid a deir mic léinn agus léachtóirí faoi na cúrsaí sin a bhfuil spéis agatsa iontu.
Bí ar an eolas faoin Ollscoil seo agus na fáthanna a bhfuil sí chomh speisialta sin – an stair thar a bheith spéisiúil a bhaineann leis an Ollscoil agus an nuacht is déanaí agus na hócáidí atá ar na bacáin.
Tá aitheantas idirnáisiúnta bainte amach ag Ollscoil na Gaillimhe mar ollscoil atá á treorú ag an taighde agus rún daingean aici teagasc den chéad scoth a chur ar fáil i réimsí éagsúla saineolais.
Tacaíocht do Thaighde Úrnua in Ollscoil na Gaillimhe
Déanaimid deiseanna tráchtála a chuardach agus a chothú don phobal taighde in Ollscoil na Gaillimhe, mar aon le comhpháirtíocht tionsclaíochta a chothú.
In Ollscoil na Gaillimhe, creidimid go n-éireoidh níos fearr leat más féidir leat an méid a fhoghlaimíonn tú a chur i bhfeidhm i do shaol féin. Is mar gheall air sin go bhfuil béim mhór ar shocrúcháin oibre nó ar thionscadail phobail i gcuid mhór dár gcúrsaí.
Reáchtálann an tIonad Rochtana in OÉ Gaillimh cláir i mbunscoileanna chathair na Gaillimhe chun go mbeidh na mic léinn i mbun machnaimh ar an oideachas tríú leibhéal agus chun eispéireas dearfach a chruthú trí idirghníomhaíochtaí éagsúla idir an mac léinn agus an ollscoil.
Tugtar 'Uni 4 U’ ar an tionscnamh bunscoile seo, clár saor in aisce atá ann agus is iad na ranganna sinsearacha a bhíonn páirteach ann.
Cuirtear tús le gníomhaíochtaí ‘Uni 4 U' i rang 4 agus leanann siad ar aghaidh i rang 5 agus 6. Tráthnóna amháin gach seachtain i rith théarma an earraigh tugann mic léinn OÉG breis chúnaimh agus treorach do na daltaí, iad ag feidhmiú mar mheantóirí do na daltaí ar feadh thréimhse an chláir. I ndiaidh dóibh obair bhaile a chríochnú, déantar uair an chloig de spóirt spreagúla agus cluichí spraíúla neartaithe foirne leis na daltaí in Áras na Mac Léinn. Glacann páistí na scoile páirt i ngníomhaíochtaí a bhfuil an-tóir orthu ar a n-áirítear sacar agus cispheil ach lena cois sin foghlaimíonn siad spóirt nua amhail haca, dreapadh ar an mballa dreapadóireachta, Hip hap, spineáil agus lámhchleasaíocht. Bhí imreoirí Galway United agus imreoirí CLG na Gaillimhe i láthair ag cuid de na seisiúin chun tacú le hiarrachtaí na bpáistí.
Is iad aidhmeanna sonracha an chláir cabhrú le mic léinn forbairt a dhéanamh go pearsanta ag cur lena féinmhuinín, misneach, scileanna cumarsáide agus iompraíocht shóisialta ach cluichí foirne agus gníomhaíochtaí spóirt a úsáid chomh maith lena bhfuil bainte amach acu ó thaobh an oideachais de, go háirithe feabhas ar scileanna uimhriúla agus litearthachta.
Éachtaí
Bronnadh Ghradaim UNI4U
Ag deireadh an chláir 'Uni 4 U', déantar éachtaí na ndaltaí uile a ghlac páirt sa chlár a cheiliúradh ag ócáid bhronnta. Eagraítear turais champais do dhaltaí agus a dtuismitheoirí ar an oíche agus bronnann aoi speisialta na teastais.
Gnéithe breise a bhaineann leis an gclár Bunscoile is ea campaí Samhraidh agus na Cásca agus gníomhaíochtaí cultúir atá nasctha leis an Oifig Ealaíon in OÉ Gaillimh.
Cuirtear ceardlanna ar fáil do mhic léinn rang 6 agus a gcuid tuismitheoirí ar Ullmhú don Mheánscoil, scileanna staidéir agus teicnící scrúdaithe. In 2018 rinne Geraldine Mills, an t-údar agus file leanaí agus scríbhneoir cónaithe, ceardlann scéalaíochta agus mar thoradh scríobh daltaí Rang 6 dán idirghníomhach dar teideal “In my schoolbag I've got.. ”
Tá fianáin ag teastáil ó roinnt gnéithe chun go n-oibreoidh siad i gceart. Ina theannta sin, ligeann fianáin dúinn (a) cuimhneamh ar do chuid roghanna, (b) staitisticí úsáide anaithnide a bhailiú, agus (c) aon fhógraí ar líne le haghaidh nuigalway.ie a bhainistiú.
Ní stóráiltear aon sonraí pearsanta ar na fianáin seo ach, faoi dhlí AE, caithfimid an cheist seo a chur ort gach 6 mhí. Chun níos mó a fhoghlaim faoin Úsáid a bhainimid as fianáin, féach ar ár bPolasaí Príobháideachais.
